فخ " منخفف عنك ".. قصة شاب خسر العرس والمهر والكرامة بـ 4 شهور

الحقيقة الدولية – عمان - قرينا الفاتحة على سنة... بعد 4 شهور كنت مطلق ومديون ومرفوع علي 5 قضايا".هيك بلش الشاب قصته ... شاب ثلاثيني قرر يخطب. البنت وأهلها استقبلوه أحسن استقبال. "بنت عيلة، محترمة، ومستعجلين نفرح فيها". أول ما قرأ الفاتحة بلش الضغط. "ليش نستنى سنة؟ البلد كلها بتتجوز بشهرين. وإحنا منخفف عليك، ما بدنا شي". – وفق الشابصدقت ... قال "ناس طيبين وبدها تستر". جهز حاله وتزوج خلال 3 ل 4 شهور. عرس، قاعة، ذهب، مهر معجل ومؤجل.يروي الشاب أول أسبوع زواج اكتشف الصدمة. البنت "مش بنت". واجهها، واجه أهلها. توقع اعتذار، توقع حل. اللي صار العكس. "قلبوا الدنيا علي. صار صوت عالي وتهديد. تاني يوم رافعين علي قضية حماية أسرة، ونفقة، وطلبوا البنت عندهم عشان ما أقدر أعمل فحوصات وأثبت شي". بيقول: "سحبوا البنت من البيت بنفس الليلة. وبلش مسلسل المحاكم الشرعية. ما خلوا قضية إلا ورفعوها".الخسارة كانت مضاعفة. خسر مصروف العرس كامل، وخسر مصروف الطلاق، وانحكم عليه يدفع كمان. بحسب ذات الشاب القاضي حكم للبنت بـ 65% من مجموع المهرين المعجل والمؤجل. ليش؟ لأنه الغلطة اللي دمرته كانت بكلمة وحدة بالعقد: "المقدم غير مقبوض". "يكمل قصته .. أهلها حلفوا يمين كذب بالمحكمة إنه ما استلموا شي. والقاضي حكم إني أدفع مرة ثانية. يعني دفعت المهر مرتين".اليوم الشاب بقولها بحسرة: "استعجلت، وصدقت كلمة منخفف عنك. طلع التخفيف هو الفخ. أنا اللي انضحك علي، وأنا اللي اندفعت الثمن".هذه القصة ليست الأولى ولن تكون الأخيرة. بين الاستعجال بالزواج، والعقود اللي ما حدا بقرأها، واليمين الكاذب، بضيع شباب وبنات. والسؤال الذي يبقى: لما "السترة" بتصير غطاء لخداع، مين اللي بيدفع الثمن؟