الدكتور محمد الهواوشة يكتب: لما تصير كرة القدم لعبة نفوذ… مش لعبة عدالة
•الدكتور محمد الهواوشة : زمان كنا نزعل إذا الحكم أخطأ ونقول يوم إلك ويوم عليك.
•أما اليوم صار كثير من الناس يحسوا إن النتيجة كأنها انطبخت قبل ما تبدأ.
•بصراحة ثقة الناس بالفيفا صارت تهتز.
هذا الخبر من وطنا اليوم. خبر يقدم أدوات ذكاء اصطناعي للتلخيص والترجمة والاستماع.
الدكتور محمد الهواوشة : زمان كنا نزعل إذا الحكم أخطأ ونقول يوم إلك ويوم عليك. أما اليوم صار كثير من الناس يحسوا إن النتيجة كأنها انطبخت قبل ما تبدأ. بصراحة ثقة الناس بالفيفا صارت تهتز. وإحنا بزمن الـVAR والكاميرات من كل زاوية والذكاء الاصطناعي، ومع هيك لسا بنشوف قرارات بتخلي الواحد يحك راسه ويقول: معقول… عينك عينك؟! ولما الناس تسمع عن تدخلات وضغوط سياسية أو تشوف جدل كبير حوالين قرارات مصيرية، طبيعي تسأل: هاي كرة قدم ولا سياسة؟ هاي بطولة عالم ولا لعبة مصالح؟ أما التحكيم لحاله قصة. فصار عند كثير من الجماهير علامة استفهام كبيرة. لما الأخطاء تتكرر بنفس الاتجاه، الناس بطلت تقتنع إنها مجرد صدفة، وبتبلش تشك إن في إشي أكبر من مجرد خطأ حكم. ولهيك بحكي للمغرب: العبوا برجولة وحاربوا لآخر دقيقة، لكن لا تستغربوا إذا حسيتوا إنكم بتلعبوا ضد أكثر من خصم. المشكلة اليوم مش بس بالمستطيل الأخضر، المشكلة بثقة الناس باللي بيديروا اللعبة. *هسه خلونا من الفيفا شوي ونرجع للأردن.* كل يوم بنسمع حكي عن محاربة الفساد وعن الشفافية وعن سيادة القانون. والله الحكي حلو… بس المواطن شبع حكي. آخر قصة وزير العمل أكبر مثال. الوزير استقال، وبعدها مباشرة طلع وزير ثاني يحكي للناس: كل الإجراءات كانت قانونية. طيب إذا كل إشي قانوني، ليش استقال؟ وإذا الاستقالة كانت بمحلها، ليش كل هالتبرير؟ المواطن صار يحس إنه المسؤولين بيدافعوا عن بعض أكثر ما بدافعوا عن مصلحة البلد. وكل ما تطلع قضية بنسمع نفس الأسطوانة: ما في مخالفة… ما في فساد… كل إشي قانوني… وبعدين بتنتهي القصة وكأنها ما صارت. يا دولة رئيس الوزراء… إذا أكبر مؤسسة رياضية بالعالم صار الجدل حواليها...المصدر: وطنا اليوم | Source: وطنا اليوم
ملاحظة تحريرية | Editorial Note: نُشر هذا المقال في الأصل بواسطة وطنا اليوم. خبر (Khabr) هي منصة إعلامية أردنية مرخّصة تعمل بالذكاء الاصطناعي. نضيف قيمة تحريرية من خلال: تحليل ذكي للأخبار، ملخصات تلقائية، رواية صوتية بالذكاء الاصطناعي، ترجمة متعددة اللغات، وتدقيق الحقائق. هدفنا جعل الأخبار أكثر وضوحاً وسهولةً للقارئ العربي.
This article was originally published by وطنا اليوم. Khabr is a licensed Jordanian AI-powered news platform (Registration #82086). We add editorial value through: AI-powered news analysis, automated summaries, AI audio narration, multi-language translation (Arabic, English, French, Turkish), and AI fact-checking. Our mission is to make news more accessible and understandable for Arabic-speaking audiences worldwide.
